Нејзината професионална дејност опфаќа работа со семејно насилство, лица со попреченост и нивните семејства, како и лица со зависности како алкохолизам, никотинизам, наркоманија, хазардни игри и интернет зависност кај деца и адолесценти. Гаврилова е посветена на проблемите на анксиозност, депресија, фобии, панични напади, нарушувања во спиењето и семејни проблеми, при што работи и со возрасни и со деца.

Особено е посветена на стресот и неговото надминување, како и на проблемите кај децата, вклучувајќи тикови, говорни нарушувања, агресивност и ноќно мокрење.

Дополнително, Гаврилова поседува лиценца за вештачење од областа на психологијата (Министерство за правда на РСМ), сертификат за интегративна психотерапија, интернационален сертификат за работа со зависници од алкохол (CAT), како и неколку други сертификати поврзани со работа со маргинализирани заедници и родители на деца со посебни потреби.